សំនួរ៖ ចុះបើមិន Root តើបានទេ? បញ្ចូលដោយទាញយក Khmer.APK របស់លោក ដាញ់ ហុង ហើយបញ្ចូល Phum Keyboard ឬ Multiling Keyboard (បទពិសោធន៍ខ្ញុំ គឺតឹងទ្រូងណាស់, អត់បង្ហាញស្រួលបួលទេ) ។
តម្រូវការចាំបាច់!
- បានតែទូរស័ព្ទ Samsung Galaxy SII ដែលបានបន្ទាន់សម័យទៅកាន់ ICS ដែលមានលេខ Kernel DXLP9 តែប៉ុណ្ណោះ
- ឯកសារ សម្រាប់ Root ៖ CF-Root-SGS2_DX_SIN_LP9-v5.4-CWM5.zip (ចុចលើតំណដើម្បីទាញយក)
- កម្មវិធីសម្រាប់ Root៖ odin1-85 (ចុចលើតំណដើម្បីទាញយក)
- ឯកសារសម្រាប់បញ្ចូលខ្មែរយូនីកូដ៖ SHMAXX_ICS_KHMERUNICODE.v4.2.zip (ចុចលើតំណដើម្បីទាញយក)
ជំហ៊ានធ្វើ៖
- ទាញយកកម្មវិធី Odin ហើយបើកកម្មវិធី
- ទាញយកឯកសារសម្រាប់ Root ហើយពន្លាត (Exctract) ដោយដាក់ក្នុងថតជាមួយនឹងកម្មវិធី Odin
- ដំណើរការទូរស័ព្ទទៅក្នុងស្ថានភាពទាញយក (Download Mode) ដោយបិទ ហើយបើកទូរស័ព្ទមកវិញដោយចុចលើប៊ូតុង បន្ថយសម្លេង + ប៊ូតុង ហូម + ប៊ូតុងបើក អោយជាប់តំណាលគ្នា ។ ចុចប៊ូតុងបន្ថែមសម្លេង ដើម្បី បន្តការដំណើរការចូលក្នុងស្ថានភាពទាញយក ។
- ភ្ជាប់ទូរស័ព្ទទៅនឹងកុំព្យូទ័រដោយខ្សែរ USB ហើយរង់ចាំអោយការតំលើង driver បញ្ចប់, សូមកុំព្យាយាមដកហើយដោយម្តងទៀត ព្រោះអាចនឹងធ្វើអោយការតំលើង driver មិនបានសម្រេច ។
- បន្ទាប់ពី driver តំលើងបានសម្រេច, ក្នុងកម្មវិធី Odin ត្រង់ ID:Com នឹងប្រែជាពណ៌លឿង ។ សូមចុចលើប៊ូតុង PDA ហើយចុចលើឯកសារ CF-Root-SGS2_DX_SIN_LP9-v5.4-CWM5.tar ដែលបានពន្លាតចេញពីឯកសារ zip។
- ចុចលើប៊ូតុង Start ហើយរង់ចាំដល់កម្មវិធីដំណើរការចប់ នោះទូរស័ព្ទនឹងដំណើរការឡើងវិញដោយស្វ័យប្រវត្តិ ។ ប្រសិនបើ ការ Root របស់អ្នកបានជោគជ័យនោះ អ្នកនឹងឃើញមានកម្មវិធីថ្មីចំនួនពីរនៅក្នុងបញ្ជីកម្មវិធី គឺ SuperSU និង CWM ។ (អ្នកនឹងកត់សំគាល់ឃើញថា នឹងមានរូបត្រីកោណពណ៌លឿង ដែលបញ្ជាក់ថា អ្នកធ្លាប់បាន Root ទូរស័ព្ទរបស់អ្នក, អាចបំបាត់បាន តែមិននិយាយនៅក្នុងអត្ថបទនេះទេ ) ។
- បន្ទាប់ពីរួចរាល់ហើយ សូមភ្ជាប់ទូរស័ព្ទទៅកាន់កុំព្យូទ័រម្តងទៀត បន្ទាប់មកថតចម្លងឯកសារ SHMAXX_ICS_KHMERUNICODE.v4.2.zip ទៅក្នុងទូរស័ព្ទ (លើកាតក៏បាន លើម៉ាស៊ីនក៏បាន) ។
- ដំណើរការទូរស័ព្ទទៅក្នុងស្ថានភាពស្ដាររបស់ Clock Work Mode ដោយបិទទូរស័ព្ទ ហើយបើកមកវិញ ដោយចុចប៊ូតុងតម្លើងសម្លេង + ប៊ូតុងហូម + ប៊ូតុងបើក អោយជាប់ព្រមគ្នា ។
- រំកិលជម្រើសទៅកាន់ពាក្យថា «install zip from sdcard» ដោយប្រើប៊ូតុង បន្ថែម ឬ បន្ថយ សម្លេង ។ ជ្រើសរើសដោយប្រើប៊ូតុងហូម ។
- ប្រសិនបើកាលពីជំហ៊ានទី ៧ អ្នកដាក់ឯកសារលើកាត សូមជ្រើសរើស «choose zip from sdcard» ប្រសិនបើដាក់លើម៉ាស៊ីន សូមជ្រើសរើស «choose zip from internal sdcard» ។ រំកិលទៅរកទីតាំងរបស់ឯកសារ ហើយចុចជ្រើសរើសឯកសារ ។
- ក្នុងផ្ទាំងដែលបង្ហាញថា «Confirm Install?» សូមរំកិលទៅរកពាក្យថា «Yes – install (ឈ្មោះឯកសារ)» ហើយរងចាំដល់ការដំណើរការចប់សព្វគ្រប់ បន្ទាប់មករំកិលមកជ្រើសរើស Go back ពីរដង ហើយជ្រើសរើសយក «Reboot system now» ។
តែត្រឹមនេះ លោកអ្នកអាចនឹងអានអក្សរខ្មែរលើ System ទាំងមូលរបស់ Galaxy SII របស់លោកអ្នកប្រសើរជាងមុន ហើយអាចប្រើប្រាស់ Phum Keyboard ប្រសើរជាងមុនច្រើនផងដែរ ។ សុំទោសដោយមិនមានរូបភាព Screen Shot ព្រោះកំពុងសរសេរអត្ថបទនេះទាំងបង្ខំ ព្រោះឃ្លានបាយ ។ 😆
Credite to:
តើ ក្តារចុចដើរល្អទេ?
នៅពេលវ៉ៃ?
ពេលដែលវាយ ក្តាចុច វាបង្ហាញមិនត្រឹមត្រូវប៉ុន្មានទេ ព្រោះវានៅប្រើ System Font នៅឡើយ ដោយខ្ញុំមិនទាន់បានធ្វើការផ្លាស់ប្តូរ System Font ដែលមានឈ្មោះថា Roboto អោយទៅជា Khmer Unicode ។ ប៉ុន្តែនៅពេលដែលយើង submit ទៅវានឹងលោតទៅជាត្រឹមត្រូវវិញ ។
ចុះបើ Kernel ខ្ញុំ i9100TDCLP3 អាចធ្វើបានឬអត់?
TDCLP3? ចឹងល្បងឯងយកទៅអោយគេអាប់គ្រេដទៅជា ICS ហ្នឹង វាលេងផ្លូវកាត់ ដោយដាក់Custom Rom អោយល្បងឯងទេចឹងនោះ! តែខ្ញុំគិតថា វាមិនខុសគ្នាប៉ុន្មានទេ គ្រាន់តែខុស ឯកសារ CFroot ប៉ុណ្ណោះ ល្បងអាចស្វែងរកឯកសារ CFRoot ដែលត្រូវនឹង Kernel របស់ល្បងឯងទៅវារួចស្រេច, អ្វីៗគឺដូចគ្នា ។
ចុះគេរកយ៉ាងម៉េចទៅ សុំប្រាប់វិធីបន្តិចផង
សុំទោសផងល្បង, ខ្ញុំរកឃើញតែអានេះមួយគត់ដែលត្រឹមត្រូវនឹង kernel របស់ល្បងជាងគេ តែខ្ញុំអត់ធានាថាយ៉ាងម៉េចទេ ។
http://download.chainfire.eu/156/CF-Root/
ប្រសិនបើល្បងអាចចាំបាន, ខ្ញុំនឹងព្យាយាមបន្ថែមទៀត ។ ខ្ញុំអត់ដឹងថាហេតុអីបានជាតេរ៉ាសាប់ល្បងប៉ាបាកជាងបស់ញ៉ុមម្លឹងរ៉េ ។
🙂 អរគុណច្រើន ខ្ញុំក៏ឆ្ងល់ដូចគ្នា ។ ខ្ញុំបានចូលទៅគេហទំព័រថៃមួយ គេនិយាយថាវាដូចគ្នានឹង TDCLP9 ដែរគឺគេប្រើ CF-Root តែមួយតែខ្ញុំសាកល្បងទៅវាថា Fail មិនអាចបើកស្អីគេវាទេ មិនយល់ ។ ពេលនោះ តើយើងចាំបាច់បើក USB debug?
ទូរស័ព្ទខ្ញុំ Enable USB debug តាំងពីដើមមកម្ល៉េះ ។ ប្រហែលជាមកពីចឹងដែរ ។ ខ្ញុំរកឃើញអាហ្នឹងពីវ៉េបសាយថៃដែរហ្នឹងបងអ៊ើយ! 😀
ខ្ញុំសូមសួរលោកបងចាកប្រធានបន្តិចបានទេ?
រាល់ថ្ងៃខ្ញុំបានប្រើ win7 office plus 2010 ហើយដែលមាន យូនីកូដស្រាប់.
តែខ្ញុំចង់បានប្រើ limon khmer fonts ក្នុង office plus 2010 ថែមទៀតតែមិនដឹងធ្វើយ៉ាងណាទេ.បើលោកបងដឹងសូមមេត្តាប្រាប់ខ្ញុំផង!
ពេលខ្ញុំដំឡើង limon khmer fonts ទៅ តែពេលវាយអក្សរវាមិនមានជើងគ្រាប់
គ្រាន់ទេឬវាយជើងមិនចេញតែម្ដង! មកពីអ្វីទៅ?
សូមអគុណទុកមុន!
សុំទោសផង, ខ្ញុំហាក់ដូចជាមិនមានចម្លើយទេចំពោះបញ្ហានេះ, តាមបទពិសោធន៍ ប្រសិនបើចង់អោយវាយហ្វុន លីមូន បានត្រឹមត្រូវ វាទាក់ទងទៅនឹងឯកសារ normal.dot ឬ normal.dotx របស់កម្មវិធី ។ អាចសាកល្បងកូពីឯកសារនេះពីកុំព្យូទ័រណាដែលវាយហ្វុន លីមូន បានត្រឹមត្រូវ យកមកជំនួសសាកមើល ។ សម្រាប់ Keyboard, សូមជ្រើសរើស យក United state International ជាជាងជ្រើសរើសយក US
ចាស! ត្រូវហើយ normal.dot ខ្ញុំបាន copy ដាក់ចូលក្នុង word _templates
ហើយសម្រាប់Keyboardវិញខ្ញុំក៍បានយកUnited state International ដោយ
ខ្ញុំបានលុបUSចេញទៀតផង.យើងអាចធ្វើដូចនេះបានតែ win vista word 2007
តែសំរាប់ win7 word 2010 ខ្ញុំធ្វើដូចគ្នាដែរតែមិនអាចវាយជើងចេញទេ.
មិនដឹងមកពីអ្វីទៅ.ពិបាកមែនរបស់ហួសសម័យ.
ខ្ញុំប្រើ Window7 ហើយប្រើ Office 2007 ធ្វើចឹងបាន, ចឹងបានន័យថា វាមានបញ្ហាតែជាមួយ Office2010 ទេចឹង ។
ទំនើបៗណាស់ កូនគេឥលូវ 😀
អត់ផង! អត់មានទំនើបអីផង ។
hi!you live nov na? jos FB you name ey?
I’m live in Phnom Penh, you can search for khmengsre in facebook for my profile.
សួរមួយមើ! ក្មេងស្រែ ដែលសួរគេថា Samsung Galaxy SII & Samsung Galaxy SII LTE & Samsung Galaxy SII HD LTE បីស៊េរីនេះវាយ៉ាងម៉េចវិញ? មានចំណុចខុសគ្នាខ្លះវាគង់តែខុសហើយ ហើយចុះអាការ root ជីកឫសជីកគល់វិញយ៉ាងម៉េច?
ស្រួលណាស់! សុំឆ្លើយម៉ាម៉ាត់យករួចខ្លួន! អត់ចេះដែរហ្នឹង! ហាសហាសហាស… រកមើលក្នុង Google ទៅ! ការ Root ហ្នឹងវាខុសគ្នាតាមសេរី ។