វេលាថ្ងៃជិតត្រង់ ម៉ោងប្រហែល១១កន្លះ, ផ្លយបានធ្វើដំណើរដោយម៉ូតូចេញពីផ្សារដើមគរ ឆ្ពោះទៅសាលាសន្ធរម៉ុក តាមបណ្តោយផ្លូវម៉ៅសេទុង, ពេលមកដល់ស្តុបបឹងសាឡាង កែងផ្សារឃ្លាំងរំសេវ ស្រាប់តែ…..
«ច្រេចៗៗៗ…»
ប៉ូលីស«ក» ៖ «ចូលកៀនប្អូន….!»
ផ្លយ៖ «ញ៉ុមខុសអីបង?» ផ្លយបានតបទៅដោយមិនបានពន្លត់ម៉ូតូ ព្រមទាំងមិនទាន់បានចូលកៀនស្រួលបួល ។
ប៉ូលីស«ក» ៖ « ប្អូនជិះខុសស្តុប!»
ផ្លយ៖ «មានឯណា » ផ្លយនិយាយដោយងាកទៅមើលស្តុបឃើញខៀវនៅឡើយ ។«បងមើលៗ ស្តុបនៅខៀវនៅឡើយតើ!!!»
ប៉ូលីស«ខ» ៖ « ប្អូនជិះមកបត់ត្រង់នេះអំបាញ់មិញ ហើយភ្លើងមិនទាន់ដល់វេនប្អូនទេ » សំលេងប៉ូលីសម្នាក់ទៀតនិយាយពីក្រោយ ទំនងដើរមកពីកែងស្តុប ។
ផ្លយ៖ « មានឯណាបង, ញ៉ុមជិះត្រង់មករហូតតើ មានបានបត់ឯណា!»
ប៉ូលីស«ខ» ៖ « កុំតមាត់, ពន្លត់ម៉ាស៊ីនហើយចុះទៅនិយាយជាមួយមេបង នៅខាងនោះទៅ!!!» គាត់និយាយដោយគំហ៊ក បន្តិច មុននឹងយកដៃមកកាច់សោរពន្លត់ម៉ូតូរបស់ស្មៀនកំសត់យើង ។
បើយើងមើលទៅប៉ូលីសដែលនៅខាងលើក្បែរម៉ូតូ ដោយមានសឺមី១ក្បាល នឹងសៀវភៅគល់បញ្ជីកញ្ចាស់១ក្បាល ដែលទំនងបើកបិតៗ រាប់ខែ តែដូចជាអត់ដាច់១សន្លឹកណានោះ, ឃើញមានត្រឹមតែស័ក្តិ១ប៉ុណ្ណោះ ក្នុងពេលដែលប៉ូលីស ដែលចុះចាប់មានស័ក្តិ២, មិនដឹងម៉េចរ៉េដល់ចឹង ។
ផ្លយ៖ « ញ៉ុមខុសអីបង, ញ៉ុមជិះ…»
ប៉ូលីស«មេ»៖ « ប៉ូលីសម្នាក់នោះ ឃើញប្អូនជិះខុសស្តុបប្រាកដណាស់!» គាត់និយាយដោយចង្អុលទៅកាន់ប៉ូលីស «ខ» ។ «មិនបាច់និយាយច្រើនទេ បង់ថ្លៃផាកពិន័យ 10000៛ មក »
ផ្លយ៖ « មានឯណាបង, នេះបើញ៉ុមខុសមែន ញ៉ុមនឹងបង់ជូន, តែនេះញ៉ុមអត់មានខុសទេ, មួក កញ្ចក់ ញ៉ុមមាន, ពែកមី កាតគ្រី ផ្លាកលេខ ក៏មាន, ពន្ធផ្លូវឆ្នាំនេះក៏មាន, ជិះខុសស្តុបក៏អត់មាន ម៉េចត្រូវបង់?»
ប៉ូលីស«មេ» ទំនងរាងក្រពុលមុខ ក្តៅស្លឹកត្រចៀក ក៏ស្ទុះយកកាម៉េរ៉ា ទៅថតផ្លាកលេខម៉ូតូផ្លយយើង ហើយមកថតផ្លយទៀត (មិនដឹងគាត់គិតម៉េចទេ) ។
ប៉ូលីស«មេ»៖ « ប្អូនឯងមើលទៅទំនងដូចក្មេងទំនើង, និយាយតវ៉ាជាមួយសមត្ថកិច្ចច្រើនម្ល៉េះហាស? ប្អូនឯងដែលឃើញទេ? រាល់ថ្ងៃមានម៉ូតូដែលមានគ្រប់ដូចឯងចឹង ត្រូវបានដឹកទៅប៉ុស្តិ៍ជារឿងៗ ដឹងថាហេតុអីទេ?» គាត់សួរមក ទំនងគិតថាផ្លយនឹងឆ្លើយថា «ដឹង»
ផ្លយ៖ « អត់ដឹងផង!» ផ្លយលួចសើច ព្រមទាំងមើលមុខដ៏ក្រហមរបស់ប៉ូលីស១នោះ ។
ប៉ូលីស«មេ»៖ « យីស!អានេះ! កុំនិយាយច្រើន បងថ្លៃផាកពិន័យ 7000៛ មក!»
ផ្លយ៖«……….»
…មួយសន្ទុះក្រោយមក ទំនងឃើញផ្លយមិននិយាយតទៀត គាត់ក៏និយាយទៀតថា…
ប៉ូលីស«មេ»៖ « នែ! មួកប្អូនមិនត្រូវស្តង់ដារសោះ! អាហ្នឹងមានឈ្មោះស្មើនឹងគ្មាន ដឹងទេ? បងត្រូវពិន័យប្អូនហើយ!»
ផ្លយ៖ « អុញ! ហើយមួកម៉េចត្រូវស្តង់ដារបង? ក្នុងច្បាប់ចរាចរគេអត់មានថាត្រូវពាក់មួកសុវត្ថិភាពត្រូវស្តង់ដារផង, គេគ្រាន់តែដាក់ថា ពាក់មួកសុវត្ថិភាពអោយបានត្រឹមត្រូវតើ!»
ប៉ូលីស«មេ» ស្ងាត់មាត់ដូចចុក តែធ្វើជាមិនដឹង ហើយដើរទៅមើលកូនចៅគាត់ចាប់ម៉ូតូ១ទៀត ។ ផ្លយសំឡឹងមើលទៅគាត់និយាយទៅកាន់អ្នកដែលចាប់ក្រោយ, មិនដឹងនិយាយអីខ្លះ ក៏ទារបាន 3000៛ ហើយអោយពួកគាត់ទៅៗ ។ មួយសន្ទុះគាត់ដើរត្រឡប់មកវិញ…
ប៉ូលីស«មេ»៖ « នែប្អូន! ប្អូនឯងមិនមែនជិះតាមផ្លូវនេះតែ១ថ្ងៃនេះទេមែនទេ? បងឃើញប្អូនជិះកាត់នេះរាល់ថ្ងៃ ហើយជិះលឿនៗផង, អាហ្នឹងវាខុសណា៎! ទៅអោយពូ 2000៛ ចាត់ទុកថាដើម្បីស្គាល់គ្នាទៅចុះ!»
ផ្លយ៖ « យី! បើថាសុំចឹងតាំងពីដំបូងមក ញ៉ុមអោយហើយ, ចាំបាច់ថាញ៉ុមខុសនេះ ខុសនោះ!» និយាយរួច ផ្លយដកលុយ 2000៛ អោយគាត់ តែគាត់មិនយកដៃមកទទួលទេ ផ្លយក៏ដាក់ចុះលើកែបម៉ូតូ ហើយដើរចេញមកដោយគ្រវីក្បាលតតាត់ រួចគិតថា « យី! បើជិះកាត់១ស្តុប គេសុំស្គាល់អស់ 2000៛, ចុះបើជិះកាត់ ៥ស្តុប ១ថ្ងៃ, ចឹងប្រាក់ខែ១ថ្ងៃមិនអស់អាលីងណិលទៅហើយទេហី?» Sic!
សមមុខហើយ ក្មេងស្ទាវដូចក្មេងស្រែចឹង! ហា ហា
សូមសរសើក្មេងស្រែមានវិធីសាស្រ្តដោះស្រាយជាមួយបងប៉ូលិសយ៉េ!!!!!
អុញទៅចឹងទៅ! សរសេររឿងគេសោះ, មកថាអោយឯងឯណាឯណីទៅវិញ!
មានប៉ូលីសសុំស្គាល់ទៀតណោះ! ឡូយមែន! 😀
ហ្នឹង! ឡូយណាស់ លោកបងហ្នឹង! តែអស់2000៛ អីចឹងទៅណាស៎!
ប៉ូលិសស្រុកខ្មែត្រឹមត្រូវណាស់
ច្បាប់ចរាចរណ៏ដាក់អនុវត្តជាង១ឆ្នាំទៅហើយ
នៅមិនទាន់មានប៉ូលិសណាម្នាក់ត្រូវជាប់ពន្ធធនាគាដោយសាអំពើពុករលួយទេហើយ
ក៏គ្មានរបាយការណ៏ថាមួយថ្ងៃផាកបាន
ប៉ុន្មានដែរ ។ បើតវ៉ាយកទៅប៉ុស្ត បើតវ៉ាខ្លាំងលាបពណ៏ថែមកន្ទុយទៅជា(ទំនើង)
វ៉ៃខ្នោះយកទៅប៉ុស្ត
ហេស ហេស ហេស… ដូចបងយាយចឹង, ពូកែអាខាង លាបពណ៌ថែមកន្ទុយ ពីមនុស្សអោយទៅជាកាពើ!
ផ្កាយឃើញតែញយ ព្រោះប៉ូលីសលូវរកចាប់អ្នកអត់ មួកមិនសូវបាន ចឹងគេប្តូរមកចាប់អ្នកជិះហូសស្តុប តិចតួច ។ នេះបានល្បីហើយដែលបានប៉ូលីសសុំ ស្គាល់ ហេហេហេហេ
ហ្នឹងហើយ! ល្បីណាស់!
ជិតបានចុះនៅកាសែតទំព័រមុខហើយ ត្រូវដូរពីក្មេងស្រែ ដាក់ក្មេងទំនើងវិញ ហេហេហេហេ
ហ្នឹង!
ហេងសយបាននៅទំព័រមុខទៀត ត្រូវដូរពីក្មេងស្រែ ដាក់ក្មេងទំនើងវិញហើយចឹង ហេហេហេ
មេចអញ្ចឹងក្មេងស្រែ?
អុញ!!! បងសួរថាម៉េចចឹង មិនដឹងឆ្លើយថាម៉េចរ៉េ! បងអានខ្លួនឯងមើល!
បើជិះម៉ូតូ… ហើយបានឃើញលោកប៉ូលីសគាត់ ដើរមករក គេចសិនតូវ បើអាចគេចបាន… ស្រួលមិនស្រួល គាត់ក៏សុំស្គាល់អីចឹងដែរ…
ថ្ងៃមុនគាត់សុំស្គាល់អស់ ៥០០០ រៀលដែរ…
ថ្ងៃមុនឃើញកាសែតកោះសន្តិភាព ចុះថា ប៉ូលីសចរាចរណ៍ ត្រូវ គេវាយសន្លប់ ដោយសារតែ មើលងាយអ្នកដំណើរ… បើមានអីចឹងច្រើនករណី ប្រហែលជា អាចអន់ចង់ខ្លះ…
ហាសហាសហាស លោកពូមេឃានិយាយត្រូវទៀតហើយ! សូមសរសើរ សូមសរសើរ!
ក្មេងស្រែសោះ មិនគិតទៅធ្វើស្រែ មកជិះម៉ូតូរញ៉េរញ៉ៃក្នុងក្រុង ផាកចឹងសមមុខហើយ 😀
យី លោកពូមកជួយបន្ថែមទៀតហេស? សំណាងហើយ មិនមែនចាប់ញ៉ុម ចាប់លោកផ្លយ! នេះបើចាប់ចំញ៉ុមវិញ ញ៉ុមធានាថា 2000៛ ក៏មិនបានដែរ ដឹងតាអោយម៉ាម៉ឺនម៉ងនេះ ។ ហេស ហេស ហេស
ក្មេងស្រែ ស្គាល់ប៉ូលីសបានប៉ុន្មាននាក់? ហើយ បង់ប្រាក់សរុបអស់ប៉ុន្មានដែរ?
គួរតែនិយាយអំពីរ ពួកគយ វិញទើបល្អជាង ព្រោះថា ពួកវា ស៊ីលុយស្ងាត់ និង ពុករលួយជាងប៉ូលីសឆ្ងាយណាស់! អាពួកគយអាក្រក់ហ្នឹង សុទ្ធយ៉ាប់!
ហេស ហេស ហេស… មិនដឹងរ៉េបង, មិនដឹងតាប៉ិផ្លយ ហ្នឹងស្គាល់បានប៉ូលីសប៉ុន្មាន ហើយចាយលុយអស់ប៉ុន្មានផងទេ ។ តែសំរាប់ញ៉ុមវិញ មានអារម្មណ៍ថាស្អប់ប៉ូលីសតែម្តងនេះ ។
អរគុណដែលបានចូលមកលេងបង!
មែនហើយ! សមមុខណាស់! បងឯងហ្នឹង ។ ខ្ញុំថា បងគួរតែកុំយកប្រពន្ធ កូនប៉ូលីសចរាចរណ៍អី ។ ស្អប់ពួកវាណាស់ ។
ហេស ហេស… មិនបាច់ប្រាប់រ៉េ, អត់មានប្រាថ្នាកូនប៉ូលីសចរាចរណ៍អីតិច ។
ហាសហា បើនិយាយចឹងសុំចូលរួមឈឺចាប់ផង។
កាលពីអាទិត្យ ចូលលេងប៉ូលិសជិតទូតចិនអស់៣០០០៛ នឹងគេដែរ។
អត់មានឈឺចាប់អីរ៉េ!
ស្ទីលបស់វាចឹង
“ចាត់ទុកថាដើម្បីស្គាល់គ្នាទៅចុះ”
ហ្នឹង ពួកគាត់តាចឹង!!