[…]
គ្រឹម…… គ្រឹម….. សំឡេងផ្គរភ្លៀងដើមឆ្នាំកំពុងបន្លឺឡើង ព្រមជាមួយតំនក់ទឹកភ្លៀងកំពុងស្រោចមកលើវាលស្រែនៅប្របនឹងមាត់ផ្លូវ…
ស៊ីណា ៖ មីងៗៗ! មកជ្រកនៅក្នុងសាលាឆទាននេះសិនមក!
សំឡេងស៊ីណា អ្នកស្ម័គ្រចិត្តសុខភាពភូមិ បានស្រែកហៅអោយមីងសយ ដែលកំពុងរត់ហាលភ្លៀងអោយចូលមកជ្រកសិន ។
មីងសយ៖ យីអើវី….! មើលវា! សុខៗស្រាប់តែភ្លៀងទាំងថ្ងៃចែស! ស្រុកទេសពិតជាផ្លាស់ប្តូរមែន!
ស៊ីណា ៖ចឹងហើយមីង! ខែវស្សាចូលមកដល់ ភ្លៀងធ្លាក់វាមិនប្រាប់មុនទេ!
ក្ឌាំង!!!!!
មីងសយ៖ ពុទ្ធោពទ្ធាំងៗៗៗៗៗៗ
ស៊ីណា ៖ ស្លាប់ហើយមីង! យើងជ្រកក្នុងសាលាឆទានទៅហើយ ហើយក្នុងខ្លួនយើងគ្មានអ្វីដែលស្រូបរន្ទះដែរ ម៉េចក៏ចាំបាច់ខ្លាចដល់ថ្នាក់ហ្នុងនោះ?
មីងសយ៖ យីក្មួយឯងអត់ដឹងរ៉េ! រន្ទះស្រុកយើងអាឡូវកាចៗណាស់! ណែក… នាងខ្សុយ កូនយាយខ្សាន ខាងចុងភូមិ ទើបតែត្រូវរន្ទះបាញ់ស្លាប់កាលពីអាទិត្យមុននេះរ៉េ!
ស៊ីណា ៖ ចឹងផង?
មីងសយ៖ អើ! ហើយវាទើបតាដាក់ «កងដាក់ក្នុងស្បូន» កាលពីពីរអាទិត្យមុន…
ស៊ីណា ៖ ថីមីង? មានអីទាក់ទងនឹងអា «កងដាក់ក្នុងស្បូន» ហ្នឹង?
មីងសយ៖ យី! ឯងអត់ដឹងទេឬ? គេនាំគ្នានិយាយគ្រប់គ្នាថា «កងដាក់ក្នុងស្បូន» ហ្នឹង វាធ្វើពីដែក ហើយដាក់ក្នុងខ្លួនមនុស្ស! ចឹងមានអីវាមិនស្រូបរន្ទះ?
ស៊ីណា ៖ o.O? ជាពាក្យចចាមរ៉ាមទេមីង! មិនមានរឿងដូច្នេះទេ!
មីងសយ៖ អើ! ស៊ីណាឯងជាអ្នកដើរបញ្ចុះបញ្ចូលអោយគេប្រើ ច្បាស់ជានិយាយការពារខ្លួនយ៉ាងដូច្នោះហើយ!
ស៊ីណា ៖ ស្តាប់ខ្ញុំពន្យល់ណាមីង! កងដាក់ក្នុងស្បូន ជាដុំតូចមួយដែលធ្វើឡើងមកពីប្លាស្ទីក និង រុំដោយស្ពាន់ក្រហម ដាក់ចូលទៅក្នុងមាត់ស្បូនដោយភ្ជាប់ជាមួយនឹងដៃស្បូន ។ វាមិនមានលទ្ធភាពក្នុងការស្រូបរន្ទះ ឬ ស្រូបអ្វីផ្សេងៗនោះទេ! មានពាក្យចចាមរ៉ាមមួយចំនួនទៀតដូចជាថា កងនោះចេះរត់ចុះឡើងក្នុងខ្លួនមនុស្ស, កងនោះបង្ករអោយធ្លាក់ឈាម, បង្ករអោយមានជំងឺមហារីក, កងនោះនឹងច្រេះហើយបង្ករផលប៉ះពាល់ដល់ខ្លួនមនុស្ស… វាសុទ្ធតែជារឿងមិនពិតទេ! ផ្ទុយទៅវិញ វាជាជំរើសល្អបំផុត១ក្នុងចំណោមវិធីពន្យាកំណើតផ្សេងៗ ដោយវានឹងអាចការពារបានរហូតដល់១០ឆ្នាំ ហើយនឹងអនុញ្ញាតិអោយមានកូនបានភ្លាមៗបន្ទាប់ពីធ្វើការដោះចេញ, ម្យ៉ាងវាអស់តិចផងដែរ!
មីងសយ៖ អូចឹងទេហេហ…
ស៊ីណា៖ ចាសមីង! បើអ្នកដាក់កងក្នុងស្បូនត្រូវរន្ទះបាញ់ , មនុស្សប្រុស និង សត្វពាហនៈម៉ាគគោកដែលត្រូវរន្ទះបាញ់ សុទ្ធតែមានប្រើកងដាក់ក្នុងស្បូនទាំងអស់ឬ?
[…]
ប្លុកក្មេងស្រែ 
ចេះរកនឹកឃើញ!
ក្មេងស្រែប្រើដែរហសបានជាដឹងលម្អិតម៉េស?
:LOL: :LOL:
ហាហា… ចេះរកនឹកឃើញក្មេងស្រែ !!
ដកស្រង់ចេញពីប៉ុស្តិ៍វិទ្យុរ៉េ! ជាល្ខោននិយាយរឿង «អ្នកណាសម្លាប់រំដួល» តែអត់ហ៊ានដាក់រីហ្វើរិន ព្រោះចាំអត់សូវច្បាស់ទាំងតួរអង្គ និង សាច់រឿង ចឹងមានតែសរសេរៗដាក់ចឹងសិនហូវ!
ង៉ាស់ ង៉ាស់ ង៉ាស់ 😆 😆 😆 😆
ង៉ាស់ៗៗៗ ឆ្អី?